Minningarorð um Vár í Ólavsstovu

á aðalfundinum 26. november 2021 eftir Lydiu Didriksen

Dagurin, – tað var fríggjadagurin 12. februar, –  byrjaði so væl. Vár var aftur til arbeiðis á Námsvísindadeildini eftir stutta sjúkralegu, og hon føldi seg so væl, segði hon. Hon stóð og prátaði úti í gongini saman við starvsfelagum, og vit fegnaðust um, at hon hevði tað so gott. Tað, sum eingin grunaði henda morgunin, var, at hennara lívsskeið var runnið.