Fyrilestrar um fjølbroytni

ST hevur lýst 2010 at verða lívfrøðiligt margfeldisár. Yvirlýsingin um lívfrøðiligt margfeldi varð undirskrivað av einum stórum parti av heimsins londum á Rio-ráðstevnuni í 1992. Longu í juni 1993 høvdu 168 lond skrivað undir yvirlýsingina, og nú í 2010 hava 192 lond undirskrivað yvirlýsingina – millum teirra eru Føroyar. Continue reading…

Frøði

Frøði er vísindablaðið fyri øll, ið Fróðskaparfelagið gevur út. Frøði í 2010 kemur at hava nógv fokus á lívfrøðiligt margfeldi. Ætlanin er at, Frøði skal koma út tvær ferðir í ár. Fyrra blaðið kemur út í juni, og fer at innihalda greinar um nógv ymisk evni, so sum hvítravn, náttúran í Havn, gýtingarleið hjá toski og prístal. Ætlanin er, at seinna blaðið kemur út í november, eisini við áhugaverdum og viðkomandi tilfari.

Undirtøkan fyri Frøði, mett sum upplag minus eintøk, sum liggja eftir á goymsluna, er víst í myndini niðanfyri.  Nøkur ár hevur undirtøkan verið heldur sløk, sum til dømis í 1998, 1999 og 2007, og kemst tað av, at hesi árini varð bert eitt nummar av Frøði útgivið.

Frøði kom fyrstu ferð út í 1993, men hagtøl blivu ikki gjørd fyri fyrstu árini.