Category Archives: Fyrilestrar

Spennandi fyrilestrakvøld um skógir og náttúru

Í 2011 verður kring allan heimin varpað ljós á heimsins skógir. ST-felagsskapurin hevur gjørt
av at heiðra skógirnar í ár – í tí, tey kalla  ”International Year of Forests”.

Eisini í Føroyum verður skipað fyri tiltaki, ið lýsir og viðger skógir og náttúrufatanir
úr einum føroyskum, fakligum sjónarhorni.

Føroya Fróðskaparfelag skipar fyri spennandi fyrilestrakvøldi

mikudagin 28. september
klokkan 19.00 – 21.00 í samkomuhøllini á Læraraskúlanum

við hesi skrá:

kl. 19.00        Tróndur Leivsson, landsskógarvørður á
Umhvørvisstovuni:

”Viðarvøkstur í Føroyum”

Kl. 20.00       Jógvan Hansen, heimspekingur, sum er
kendur úr útvarpssendingini ”Filosoffarnir”:

”Náttúrusýni – millum fakta og virði”

Tiltakið er ókeypis.
Drekkamunnur verður at fáa. Eftir fyrilestrarnar verður høvið til kjak og
spurningar. Øll eru hjartaliga vælkomin.

Nevndin í
Føroya Fróðskaparfelag

Føroya Fróðskaparfelag skipar fyri áhugaverdum almennum fyrilestrakvøldi mikukvøldið, hin 23. mars, klokkan 19.30.

Tiltakið er ókeypis og verður í framsýningarhølunum hjá Náttúrugripasavninum á Debesartrøð.

Maria Dam, evnafrøðingur og deildarleiðari á Umhvørvisstovuni, og Jóan Pauli Joensen, professari í Les meira

ST hevur lýst 2010 at verða lívfrøðiligt margfeldisár. Yvirlýsingin um lívfrøðiligt margfeldi varð undirskrivað av einum stórum parti av heimsins londum á Rio-ráðstevnuni í 1992. Longu í juni 1993 høvdu 168 lond skrivað undir yvirlýsingina, og nú í 2010 hava 192 lond undirskrivað yvirlýsingina – millum teirra eru Føroyar. Les meira

ST hevur lýst 2010 at vera lívfrøðiligt margfeldnisár. Sáttmálin um lívfrøðiligt margfeldni varð undirskrivaður av einum stórum parti av heimsins londum á Rio-ráðstevnuni í 1992. Longu í juni 1993 høvdu 168 lond skrivað undir sáttmálan, og nú í 2010 hava 192 lond undirskrivað hann – harímillum Føroyar.

Lívfrøðiligt margfeldni umfatar alt tað livandi fjølbroytni, ið náttúran rúmar.

Sáttmálin er komin, tí heimssamfelagið metir, at ein niðurlaging av lívfrøðiliga margfeldninum er ein stórur missur fyri lívið á jørðini. Sáttmálin hevur hesi trý høvuðsevni:

1.    Varðveitsla av lívfrøðiliga margfeldninum. (The conservation of biological diversity)

2.    Burðardygg nýtsla av tí, ið lívfrøðiliga margfeldnið gevur. (The sustainable use of the components of biological diversity)

3.    Eitt rættvíst og javnt býti av ágóðum, ið stava frá nýtslu av genetiska tilfeinginum. (The fair and equitable sharing of the benefits arising out of the utilization of genetic resources)

Føroya Fróðskaparfelag, Lívfrøðingafelagið og Náttúrugripasavnið hava í felag lagt til rættis eina skrá av fyrilestrarøðum fyri 2010. Vit fara á ymsan hátt at lýsa lívfrøðiliga margfeldnið – eisini frá øðrum sjónarmiðum enn teimum reint lívfrøðiligu.

Fyrstu fyrilestrarnir verða 24. februar. Tiltakið verður í framsýningarhølunum hjá Náttúrugripasavninum á Debesartrøð, kl. 19:30. Les meira