Author Archives: Sjúrður Hammer

Boðini eru helst so vanlig at ongin hoyrir tey longur, men enn einaferð hava veðurlagsgranskarar gjørt kanningar sum hava víst á at veðurlagið á jørðini verður alsamt heitari og heitari.

Nýggja forsøgnin er bygd á fimm atskildar kanningar av globala veðurlagnum, og har ávirkan frá regluligum veðurlagsfyribrygdum so sum El Nino, eldgosum, og sólarstyrki er tikið burturúr. Tað sum er eftir er ein heilt greið ábending um at hitin á jørð er í miðal farin upp 0,5 gradir seinastu 30 árini. Í øllum fimm atskildu kanningunum vóru 2009 og 2010 heitastu ár ið eru máld.

Flestu øll vita at veðurlagið á jørðini er økjandi, men seinnu árini hava røddir verið frammi um at hendan gongdin er møguliga avtakandi. Hetta afturvísir nýggja kanningin sum er gjørd í samband við altjóða veðurlagsráðstevnu 6.des í Suðurafrika.

Kelda: Grant Foster and Stefan Rahmstorf 2011 Environ. Res. Lett. 6 044022 doi:10.1088/1748-9326/6/4/044022

Tá ið óvissa verður nevnd í samband við slíkar veðurlagsútrokningar, so eru tær ofta nýttar til fyrimun til tað skeptiska argumenti til at siga at tað helst ikki man verða so galið allíkavæl. Veruleikin vísir tó at óvissan við slíkum útrokningum er ofta tann mest optimistiska metingin, og at útlitini faktiskt ofta eru verri enn óvissan frammanundan loyvdi at meta um.

Hetta minnir okkum bert á at veðurlagið er í drastiskari broyting, og at tað er fyrst og fremst er okkara skyld og ábyrgd at gera nakað við. Vit eru í ferð við drastiskt at broyta liviumstøðurnar á hesari einu planetini vit hava og boðskapurin nú er at tað er ongin góða mamma. Vit mugu faktiskt sjálvi taka okkum saman.

Kelda