Hví bjarnadýr eru verd tína tíð

Bjarnadýr eru eitt av hesum djórunum (hóast bjarnadýr sipar til nógv sløg) sum lívfrøðingar kenna, men flest onnur ongantíð hava hoyrt um, uttan so tey fylgja ordiliga væl við.

Hetta er eitt sindur ergiligt, tí bjarnadýr eru millum tey mest spennandi djórini á jørðini og her er hví:

 

Summi av teimum tola ekstreman kulda, niður í næstan absolutt null (-273 stig) og summi ekstreman varma (151 stig).

 

 

 

 

 

 

Summi klára seg í 10 ár uttan vatn.

 

Summi tola radioaktivar geislar (1000 ferðir betri enn onnur djór) ella at fara ein flúgvitúr út í rúmdina og niður aftur á jørðina uttan at doyggja.

 

 

 

 

 

 

Tey eru at finna so at siga allastaðni og so eru tey eisini ordiliga ker.

Hvussu ber tað so til, at næstan ongin uttan nørdar og lívfrøðingar kenna hesi djórini? Helst tí at tey eru ordiliga smá. Eg haldi tað er vánaligt, at tey ikki sleppa við í lívfrøðiundirvísingina í fólkaskúlanum, men kanska er tað bara tí at tey bróta allar reglurnar og tí ikki rigga so væl sum dømi um nakað sum helst. Tað er ivaleyst lættari at tosa um fiskar og blómur, sum vit skilja ordiliga væl og kunnu brúka sum grundarlag undir undirvísing um øll hini sløgini av lívi.

Her í Føroyum finnast eisini bjarnadýr og vit hava okkara heilt egnu lívfrøðingar, sum hava brúkt nógva tíð uppá at kanna okkara bjarnadýr.

Til dømis hevur Birna Trygvadóttir funnið trý nýggj sløg, ja eitt heilt genus av bjarnadýrum og útgivið grein um tað sama í tíðarritinum Zootaxa (pdf). Í greinini sigur hon, at henda nýggja grein av bjarnadýrum møguliga eru ein leivd frá jøklum. Tíverri havi eg ikki alla greinina, so eg kann bara siga frá brotinum, eg slapp at lesa á netinum.

One comment on “Hví bjarnadýr eru verd tína tíð

  1. -

    Góð blogga. Gott at hoyra meir um bjarnadýr. Eg havi eisini altíð hildið, at tey síggja ker út. 🙂

Comments are closed.